غيث

_هي مراتك لسة نايمة يا غيث
_أيوا يا ماما كانت تعبانة شوية وقولت أسيبها مرتاحة.
_تعبانة هي هتعيش الدور ولا إيه
_دور إيه يا ماما واحدة حامل وأكيد تتعب وأكيد برضه هيبقى واجبي إني أستحملها وأسيبها ترتاح.
_والله ما شوفت واحد مدلع مراته زيك كدا يا خۏفي عليك يا ابني..
خلصت كلامها وسكتت وسابته أنا كنت لسة نازلة وقبل ما أدخل الشقة وقفت لما بدأ الحوار بينهم فضلت واقفة شوية وبعدين رجعت طلعت شقتي تاني.
إحنا متزوجين بقالنا سنة ونص وللأسف في بيت عيلة وبرغم رفضي في البداية إلا إنه وعدني إنها فترة مؤقتة وهنشتري شقة لوحدنا لكن الأيام بتمر والوضع زي ما هو..
_صحيتي يا حبيبتي حاسة بتعب
بعد ما طلعت وقعدت شوية قررت أنزل تاني.. أول ما دخلت قام وقرب عليا وسحبني قعدني طبطبت على دراعه بحنية وابتسمت له لاهتمامه وقبل ما أرد عليه اتكلمت مامته
_ما تنشف يا ابني كدا وبطل قلقك دا.. هي أول ولا آخر واحدة تحمل يعني وبعدين دي حتى حامل في بنت أومال لو كان ولد بقا
_ولد أو بنت يا ماما ف الاتنين رزق والحمدلله راضيين ثم إني لما هخاف عليها وأهتم بيها هيبقى علشانها مش علشان ال في بطنها!
_كلامك مايع ودلعك مايع.. أنا قايمة أصلي العصر.
قامت دخلت ف لقيته بيطبطب على ضهري قبل ما يتكلم
_حقك عليا متزعليش منها.
_هقوم أساعدها في تحضير الأكل..
سيبته ودخلت المطبخ فتحت الماية وغسلت وشي وبعدين شوفت الأكل ال على الڼار قبل ما أفتح التلاجة وآخد منها الخضار أغسله علشان أعمل السلطة..
_أنا عملت السلطة.
_كتر خيرك.
_إيه رأيك بلاش نحمر الفراخ ونحطها في الفرن بيكون طعمها أحسن وصحية أكتر.
_أنت هتعدلي عليا
_مش القصد بس..
_ولا بس ولا مابسش حمري الفراخ واغرفي يلا.
سمعت كلامها وهي واقفة معايا تتابع ال بعمله خلصت وغرفت الأكل فعلا وخرجنا وقعدنا ناكل بعد ما أكلنا دخلت أغسل الأطباق وبعد شوية دخل غيث وقرب من الحوض يساعدني ف بصيت على باب المطبخ پخوف واتكلمت
_بس يا غيث إبعد مامتك ممكن تدخل وتشوفك!
_ما تشوفني يا آية هو أنا بعمل حاجة غلط
_بالنسبة لها غلط وچريمة كمان علشان خاطري سيب الطبق وأخرج.
_والله ما أنت غاسلة حاجة وأنا ال هغسلهم إبعدي بقا وأقعدي كدا.
بعدني عن الحوض وقعدني على الكرسي ورجع هو يكمل غسيل الأطباق كنت متوترة جدا كإننا بنعمل چريمة فعلا الدقايق عدت كإنها دهر لحد ما خلص ف ناولته مناديل يمسح بيها إيده علشان مش يبان عليه وخرجنا طلعنا شقتنا.
_هحط الموبايل في الشاحن وأجيبلك علاجك.
فكيت الطرحة وقعدت أستناه جه وأخدت العلاج وبعدين بصيت له واتنفست بهدوء قبل ما أتكلم
_غيث.
_عيونه..!
_أنت بتحبني صح
_عندك شك في كدا
_طب ليه مش راضي تنفذ وعدك ليا
_أي وعد..
_إننا نعيش لوحدنا يا غيث!
_بس يا آية..
_مش بس يا غيث إحنا بقالنا سنة
ونص هنا وأنا بجد تعبانة من معاملة مامتك ليا إحنا كان إتفاقنا في البداية نكون مستقلين قولت لي ظروفك ومجرد فترة صغيرة وهنشتري شقة تانية والحمدلله معانا سعر الشقة ووريتك أكتر من واحدة وروحنا شوفناهم وواقفة على الدفع.. ليه بقا واقف مكانك ومش قادر تاخد الخطوة في الموضوع دا
_يعني يرضيك نسيب ماما وبابا لوحدهم
_هنسأل عليهم دايما هنيجي نزورهم علطول أقول لك.. أنا موافقة نجيب ل مامتك واحدة تقعد معاها وتساعدها وتاخد بالها منها ومن باباك وندفع لها من فلوسنا كمان..
_تفتكري هترضى أو مش هتزعل
مش عارفة ليه إتضايقت لما حسيته متذبذب ومش قادر يوافقني غمضت عيني لثواني وفتحتها تاني وجاوبته بنبرة حاولت تكون هادية
_يا حبيبي باباك موجود وأختك كمان كل يومين بتكون موجودة معاها وبتقضي اليوم كامل وإحنا كمان هنيجي نزورها دايما كل الفكرة إننا هنختار نعيش يا غيث!
_حاضر يا آية سيبيها على الله..
_على الله فعلا يا غيث بس أتمنى في أقرب وقت نكون نقلنا.
_أهلا بالهانم..
_صباح الخير يا ماما.
_كنت مبسوطة إمبارح وأنت سايبة ابني يغسل لك المواعين
_وفيها إيه مش بيساعد مراته وبيريحها المفروض تكوني مبسوطة!
_مبسوطة ليه إن شاء الله أنا ابني رجل وعمري ما أوافق على ال بيعمله معاك أو إنه يقلل من قيمة نفسه علشانك.
_ال بيعمله في سبيل راحتي مش شيء يقلل منه بالعكس دا يزيد من رجولته كفاية إنه بيتشبه بسيدنا النبي ﷺ بإنه يساعد أهل بيته!
بعدين لو بنتك ال زوجها اتصرف معاها كدا كنت هتتضايقي برضه
_بنتي أنا مربياها والحمدلله مكفية بيتها وعمرها ما اتدلعت ولا عملت نص ال بتعمليه دا.
_بس أنا متربية برضه ومكفية بيتي برضه.. بس الفرق بيني وبينها إنها عايشة لوحدها لزوجها وبس لكن أنا شايلة مسؤولية بيتي ومسؤولية بيت حضرتك!
_قولي وافتحي في نفس الموضوع تاني عايزة تاخدي ابني وتبعديه عن أهله
_عمري ما أبعده عن أهله لإن البعد مش بالمسافات ويشهد ربي عليا إن لسة كنت بحكي له إننا دايما هنيجي ودايما هناخد بالنا منك ومن بابا.
_يعني أنت كمان لسة بتزني عليه في نفس الموضوع يا شيخة روحي منك لله يارب يتوجع قلبك على ابنك زي ما أنت واجعة قلبي على ابني!
بصيت لها پصدمة من تصعيدها الغير مبرر ومن قسۏة دعوتها حطيت إيدي على بطني بسرعة وطلعت شقتي قعدت أعيط لحد ما حسيت بۏجع جامد ف رنيت على غيث
_يا غيث تعالى بطني بتوجعني جامد وخاېفة!
كنت بعيط وأنا بكلمه وحاولت أتحمل لكن غبت عن الوعي قبل ما ييجي.
_أنت كويسة يا حبيبتي
فوقت بعد وقت معرفش مدته إيه لكن أول ما فتحت عيني حطيت إيدي بسرعة على بطني وسألته
_بنتي..!
قرب عليا ومسح على راسي وهو بيجاوبني بهدوء
_متخافيش أنتم الاتنين بخير الحمدلله.
_كنت خاېفة.
عيطت لما افتكرت الأفكار ال جت على بالي وقت
ما حسيت بالۏجع مجرد ما تخيلت إن ممكن أذى يصيب بنتي أو لا قدر الله أفقدها كل الۏجع صاب قلبي وروحي الله لا يحرم أم من ذريتها..
_ليه تعبتي بالشكل دا إيه وصلك لكدا
_أنا مش عايزة أشتكيلك من مامتك وأبقا بخرب علاقتكم بس أنا مش هقدر أقابل مامتك يا غيث على الأقل لحد ما أنسى ال قالته ليا.
_قالت لك إيه
_مش مهم ال قالته المهم إني مش عايزة أرجع البيت..
_يعني
_يعني وصلني عند ماما ونكمل كلامنا هناك.
كنت بدأت أحس إني نعسانة ف حاولت أوقف النقاش لحد هنا سندت راسي على شباك العربية وأنا بتابع الطريق لحد ما وصلنا..
_أهلا يا حبايبي اتفضلوا.
قعدنا معاهم شوية وبعدين دخلنا أوضتي..
_ها يا حبيبتي ارتاحتي شوية
_غيث إحنا هنروح بكرة نتمم شړا الشقة.
_مينفعش بكرة يا آية
مينفعش ناخد خطوة كدا فجأة.
_فجأة!
أومال السنتين دول إيه يا غيث
_يا آية إفهمي..
_لاء مش هفهم يا غيث أنا مش راجعة بيتنا تاني أنا تعبت والله ومبقتش مستحملة ۏجع تاني وال مش قادرة أتحمله أكتر هو إحساسي بإنك بتتجاهل وعدك ليا وبتتجاهل شعوري!
_أنا عمري ما قللت من أي حاجة ليها علاقة بيك!
_اثبت لي اثبت لي وهاتلي بيت أعرف أعيش فيه يا غيث هات بيت يكون قادر يستحمل بنتنا ال قربت تيجي ومحتاجة حياة هادية.. والحياة الهادية دي مستحيل تكون مع مام..
سكت بعد ما كنت منفعلة وبتكلم بإندفاع لاحظت غضبه وقام من قصادي وقف قصاد الشباك اتنهدت وروحت وراه وقفت وراه واتكلمت بهدوء
_أنا هفضل هنا لحد ما تيجي تاخدني على بيتنا الخاص بينا لوحدنا فكر وقرر بس أتمنى متتأخرش وتحسسني إني مش ليا الأولوية في حياتك واختياراتك يا غيث.
لف وبص لي شوية وبعدها اتحرك ناحية الباب وخرج شوية وماما دخلت تسألني
_جوزك رايح فين وليه سايبك هنا
_وراه شغل كتير الفترة دي وأنا علشان قربت أولد قولت له يجيبني هنا تاخدوا بالكم مني.
حسيتها مش مقتنعة لكن قبل ما تتكلم تاني اتكلمت أنا ألهيها
_أنا جعانة أوي هخرج أعمل حاجة آكلها.
دخلت المطبخ هروبا من نظراتها وأسئلتها وأنا بتمنى فترتي هنا متطولش وغيث يختارني وميوجعنيش..!
_سابت بيتها وجوزها وقاعدة عند أمها
_يمكن من تعبها ومن معاملتك ليها يا ماما
_معاملتي هو أنا بجلدها ولا إيه
_إيه حصل بينكم يوصلها لكدا يا ماما أكيد مش بتألف هي
_طبعا ما هي لازم تشحنك وتيجي تزعق لأمك يا خسارة تربيتي فيك يا خسارة عمري ال ضاع عليك.
_كل مرة بتعملي كدا يا ماما كل مرة بتطلعينا إحنا ال غلطانين.
_أيوا غلطانين عايزاك تسيبنا وتاخدك ليها لوحدها عايزة تسيطر عليك وتنسيك أهلك أنا عارفة تفكيرها عارفة شرها من يوم ما دخلت علينا..
_إيه كل دا إيه الاټهامات دي وتاخد مين وتسيطر على مين هو أنا لعبة أنا رجل وهي مراتي يا ماما طبيعي يكون ليها
الوقت الأكبر والحياة زي ما حضرتك في يوم من الأيام بابا ساب أهله وجه بيك هنا وعيشتوا سوا لوحدكم بعيد عن الكل!
_أنا كنت طيبة ومش بسعى لخړاب علاقة جوزي بأمه زي ما هي بتعمل..!
_مفيش ملاك بيقول إنه ملاك يا ماما وعلفكرة أنت بتظلمي آية.
فات أسبوعين من أصعب الأوقات ال مرت عليا كنت بسأل نفسي كتير ليه إتأخر كل دا معقولة مش هيختارني معقولة طلبي تقيل أوي عليه يمكن كان بيخدعني وقت ما جه يطلبني أسألة مكنتش بلقا لها إجابة تطمني أسألة مجرد ما كانت بتخطر على بالي كانت بتوجعني!
_أنا عايزة غيث..!
جملة قولتها وأنا بغيب عن الوعي بعد ما ۏجع الولادة جه وروحت المستشفى ودخلت أوضة العمليات مكنتش عايزة غيره الموقف صعب وموتر كنت عايزة أتطمن بوجوده معايا..
_آية سامعاني
كنت خرجت من الولادة بدأت أفوق لكني مش قادرة أتكلم لسة فتحت عيني براحة وبصيت جنبي لقيته قاعد قصادي وماسك إيدي أول ما شافني فتحت عيني قام بسرعة وميل عليا يسألني ضغطت على إيده ورجعت غمضت عيني تاني.
_الحمدلله على سلامتك يا حبيبتي.
_بنتي فين
_متقلقيش هي بخير.
_عايزة أشوفها..
_حاضر بس أنت كويسة
_كنت محتاجاك!
_وأنا أول ما عرفت سيبت كل الدنيا وجيت لك علطول.
_كنت فين الأيام التانية يا غيث للدرجة دي مكنتش مهمة طلبي كان صعب أوي كدا
_طب ممكن نأجل الكلام دا لحد ما نخرج من هنا شوية وهيدخلوا ومش عايز يبان أي حاجة علشان خاطري.
سكت وبصيت له ودقايق ودخل أهلي يتطمنوا عليا وبعدها جم أهله برضه قربت مامته حضنته وباركت له وبصت لي باركت لي ف رديت عليها قبل ما الممرضة تجيب البنت.
شالها منها وقرب عليا يوريهالي كانت جميلة كانت زي القمر أول ما شوفتها ولمستها حسيت إحساس غريب أوي حسيت إني عايزة أفضل مخبياها في حضڼي طول العمر..
رفعت راسي له ف لقيت دموعه في عينه مديت إيدي مسحتها ف ميل باس راسي ف اتكلمت مامته
_مش هتورينا بنتك يا غيث
_دا كلام سمي وشيلي..
_هتسموها إيه
_ليل إن شاء الله.
_يعني حتى مش هاين عليها تسميها ليلى واختارت اسم قريب من اسمي علشان تقهرني شوفت شوفت مراتك
_أتمنى تبطلي حكم عليها يا ماما وعلفكرة أنا ال مختار الاسم وأنا وهي متفقين مش هنسمي باسم حد من العيلتين.
_على كيفكم..
حطت البنت بين إيديه وقعدت على الكرسي تاني بص لي يعتذر لي بنظراته ف هزيت راسي له.
مر اليوم بأحداثه بأشخاصه والحمد لله خرجت أنا وبنتي مش هنكر إني كنت متضايقة لاعتقادي إننا راجعين بيت العيلة لكن اتفاجأت لما لقيت الطريق مختلف بصيت له وسألته
_إحنا رايحين فين
_بيتنا يا حبيبتي!
ابتسمت بهدوء ومديت إيدي أمسك كفه وأضغط عليه بعد وقت مش طويل كنا وصلنا..
_اتفضلي يا حبيبتي.
كانت نفس الشقة ال اختارناها دخلت معاه وأنا ساندة عليه أول خطوة خطيتها
في الشقة دي حسيت إني بنتمي ليه حسيت براحة محستش بيها في الشقة التانية!
فات أسبوعين وكنت بدأت أتحسن الحمدلله وكان النهاردة يوم العقيقة والعيلتين موجودين مكانش بيخليني أعمل مجهود علشان أفضل مرتاحة لكن مع ذلك نظرات وكلام مامته كانوا بيتعبوني بس حاولت أتجاهل على قد ما أقدر لحد ما مر اليوم بأقل الخساير وكلهم روحوا وأنا غيرت لبنتي ونيمتها ف قرب مسك إيدي باسها واتكلم بهدوء
_حقك عليا لو كنت زعلتك الفترة ال فاتت.
_مش هنكر إني كنت زعلانة جامد منك يا غيث بس وقت ما جيت هنا وعرفت سبب تأخيرك كل الزعل إتلاشى من قلبي.
_وأنا عمري ما أختار زعلك أو وجعك أنا عايش بيك وليك.
_ربنا ما يحرمني منك ولا من حنيتك.
_لو ماما ضايقتك تاني عرفيني كدا كدا مقابلاتكم هتقل بس لو حصل حاجة قوليلي وأنا هتصرف معاها.
هزيت راسي من غير كلام ف ضمني له قبل ما يبوس راسي.
طبيعي علاقتي بمامته مش هتتحسن في يوم وليلة بل ممكن تفضل كدا طول العمر.. وفي نفس الوقت مش هينفع أفضل مخاصماها دايما لذلك فيه التعود إننا بنقبل الشخص زي ما هو لكن بنحاول نتلاشى أذاه وأنا قررت أتعامل معاها كدا هبرها وأحسن إليها على قدر المستطاع علشان خاطر زوجي علشان هو يستاهل أتحمل أي حاجة في سبيل إن دايما بقا بيحاول يراضيني ويريحني..
_تمت.
آية_حمام.