جوزي
رحاب راجعه من شغلها ك العاده ولقت بناتها الاثنين ياسمين وكارما واقفين في الشارع
ياسمبن
كويس ان انت جيتي يا ماما ما تعرفيش انا جعانه ازاي وبابا طول النهار نايم وعمالين يصحي فيه علشان خاطر ننزل يجيبلنا فطار مش راضي
كارما
حرام عليك يا ياسمين سيبي ماما تطلع وتستريح الاول شويه وبعد كده اطلبي منها ان انت عايزاه انت عارفه ان هي بتكون تعبانه قوي في شغلها
رحاب انصدمت من شكل بناتها وبعدها طلعت فوق
ودخلت الاوضه عند محمد جوزها اللي كان نايم علي السرير. قالت ليه
رحاب
حرام عليك هو انت طول النهار نايم حتى ما بتفكرش تنزل تدور على شغل وبقت تعتمد ان انا اللي بشتغل وبصرف على البيت طب خد بالك من بناتك اللي على طول بقيت سايبهم في الشارع
محمد وهو بيصحي من النوم قال
محمد
جرا اي يا وليه فيه اي مالك بتتكلمي معايا ايه
كده وبعدين يعني البنات مش صغيره وهتعرف تخلي بالها من نفسها المهم جبتي معاكي سجائر انتي عارفه انها خلصت من امبارح
رحاب
بقولك اي انا مش هعيش في البيت ده لحظه واحده انت سامع ولا لا انا خلاص اتخنقت منك والله وتعبت من اللي انا فيه ده
وبعدها كانت رايحه ناحيه الدولاب وبتاخد هدومها وهو قال
محمد
بقولك ايه انا عارف كويس قوي ان انت ما لكيش اي مكان تروحي تعيشي فيه عايزه تروحي تلفي على حل شعرك انت حره بس ما تاخديش بناتي معاكي هتسيبي بناتي هنا
رحاب
ايه الكلام اللي انت بتقوله ده انت بتقول لمراتك كده حسبي الله ونعم الوكيل فيك
محمد
يا نهارك مش معدي يا وليه انت انت بتقولي لي انا حسبي الله ونعم الوكيل فيك طب انا بقى هوريكي وبعدين نزل فيها ضرب وهي خدت بعضها وراحت على بيت صاحبتها
وهو اخد البنات وراح بيت امه وقال ليها كل حاجه
الام
نعم يا حبيبي هو انت جايب عيالك ليا ليه ان شاء الله هو انا ناقصه هم على همي اتصل بمراتك يا اخويا رجعها وخليها هي اللي تشيل عيالها انا ما ليش دعوه بالحوار ده
محمد
بقولك يا ماما ضربتها وهي خدت بعضها ومشيت وبدل ما تشيليني يومين بتقولي الكلام ده انا مش عايزه اتصل بيها انا عايزها ترجع خدامه تحت رجلي
الام
بقولك اي يا حبيبي لو كنت عايز تمشيها خليها تمشي بعيالها مش جايب ليا عيالك وانا مالي يا حبيبي خد العيال وامشي من هنا
ياسمبن
بالله عليك يا تيته خلينا ناكل اي حاجه انت ما تعرفيش انا جعانه ازاي ده انا من الصبح ما اكلتش اي حاجه
الام
بقول لك ايه خد عيالك يلا وروح اكلهم بره انا مش ناقصه
وبعدها أخد العيال ومشي وانا كنت قاعده مع صاحبتي ايات
ايات
طب انت ناويه تعملي ايه يا رحاب بعد اللي حصل في كده معقوله كده هتسيبي عيالك
رحاب
انا هقدر اشتغل وهرفع قضيه عليه وهاخد العيال منه مش هسيبهم ليه يعني
ايات
المحاكم ببنها طويله قوي حاولي تتكلمي معاه بعقل وتاخذي العيال وبلاش مشاكل
وفي الوقت ده تلفون رحاب رن وكانت ياسمبن
ياسمين
يا ماما انت فين حرام عليك بابا عمال يضرب فينا جامد ده واخد اختي جوه وعمال يضرب فيها علشان خاطر بتقول له انا جعانه الله يخليك لو بتحبيني ارجعي
رحاب
يا حبايبي بيضربكم ليه انضرب في ايده هو لا منه ولا كفاية شره اعمل ايه بس ياربي في البلوه ده حاضر ياضنااا ي انا جايه متخافيش
وبعدها قفلت السكه ولقيت سها بتقولي
سها
انتي يارحاب خايبه وقلبك ضعيف او ي وهو عارف نقطه ضعفك عمل حوار بينه وبين عياله علشان يجيب رجلك ترجع تاني وانتي هبله صدقتي
رحاب
لا باسها ده غبي انا عارفه ودايما يتغابا على
العيال وعليا منه لله انا زهقت وهمشي وامري لله
سها
لاحول ولا قوة الا بالله ربنا يهديه بقي جوزك ده وحاولي تشوفي حل هو اصلا ذي قلته
رحاب
ايوه انا اتصرف معه واشوف لو ماانعدلدلش وبقي بني ادم يبقي كل واحد بروح لحاله
وبعدين رجعت البيت وفتحت لي الباب ياسمين بنتي
رحاب
ايه يا ياسمين بقي عمل فيكم ايه انتي واختك فين ياكارما
كارما
نعم ياماما احنا بخير متقلقيش وكمان رحنا عند تيتا وتيتيا قالت لي بابا امشي من هنا وخد عيالك معاك ومردتش تعمل لنا اكل
رحاب
جاحده زي ابنها معلش يابنتي انا جبت اكل معايا اهو
وهتاكلي انتي واختك يلا تعالو وجبت لكم حاجات كتير حلوه هو فين المفتري ده راح فين
فجاه طلع محمد من الاوضه وقال
محمد
انتي جيتي ليه يابت انتي تاني انتي مش قولتي خلاص ومشيتي جيتي ليه مالقتيش بيت يلمك ولقيتي نفسك في الشارع قوات ارجع مكان من الاول لازمتها ايه بقي وجع الدماغ ونلف وندور
ياسمين
مش انت يابابا ال قولت اقول كذا لماما في الفون انك بتضربني بالكذب علشان ماما ترجع انت ليه بقي بتعمل كدا وتكلم ماما بالطريقة دي
محمد
اخرسي يا بت خالص مش عايز اسمع صوتك خالص انتي سامعه ولا لا
وفي الوقت ده بصيت ليه وقولت
رحاب
يعني انت كنت عامل فيلم عليا وحوار انت كمان بتعلم العيال الكذب منك لله لا منك ولاكفايه شرك
محمد
احترامي نفسك. بقي ياوليه انتي بدل ماابهدلك وهنزل فوقك ضرب لحد ما اسويكي
كارما
كفايه بقي ياماما انتي وبابا احنا زهقنا بقي انا وياسمين مش كل يوم خناق ومشاكل ليه انتم كدا اصحابي مفيش حد منهم زينا كدا اه
ياسمين
ايوه فعلا كلام كارما صح وبعدين اصحابنا اهليهم بيحبوا بعض ويحترموا بعض احنا بننحرج نجيب حد فيهم هنا علشان مايشفوش انتم بتعملوا ايه في بعض
رحاب
خلاص يا حبايب قلبي متزعلوش نفسكم بقا انا هستحمل اي حاجه علشانكم انتم املي في الحياة وانتم كل حاجه ليا وانا بطلب من ربنا يحقق حلمي فيكم انا عايشه علشانكم
محمد
طيب هاتي بقي اجيب زفت سجاير انا دماغي خرمانه ومش قادرة من الصداع وعيشي بقي علشان خاطر ولادك زي ما بتقولي يلا هاتي الفلوس اللي معاكي
رحاب
انت بذمتك عندك دم انت مستحيل تبقي بني ادم حرام عليك بقي حس شويه وبعدين انا هعيش هنا وكل واحد في حاله
محمد
بصي انا نازل اشوف مشوار لو انقضي تمام ماانقضاش يبقي تجيب الفلوس من سكات عرفتي ولا اي بدل ماارجعك تاني الشارع انتي فاهمه
رحاب
شارع اي ال ترجعني ليه هو انت اتجوزتني من الشارع انت عارف كويس اوى انت اتجوزتني منين واهلي مين ومش معني اني مش بوافق اني اروح هناك وانا زعلانه يبقي ماليش اهل لا انت عارف ان بسببك وعلشان اتجوزك اهلي اتبروا مني وببقي ماليش وش اني اروح لانهم اقل حاجه هيقولوا ده اختيارك وانتي صممتي فاكر يوم مااتقدمت ليا
وبعدها بدات تفتكر اللي حصل زمان
فلاش ياااااك
رحاب كانت قاعده مع ابوها و امها وبعدين قالت
رحاب
بابا لو سمحت محمد هيجي يتقدم لي النهارده وارجوك تقابله وتوافق عليه هو شاب كويس
الاب
محمد مين يابنتي الشاب ده مش انتي كلمتني قبل كدا وانا سالت عليه وعرفت إن سلوكه مش تمام خلاص ازاي بقي عايزه تتجوزيه فهمني
رحاب
يابابا ماتصدقش كلام الناس ارجوك محمد زميلي وكويس جدا وبيحبني ومستعد يعمل علشاني اي حاجه
الام
اسمعي كلام ابوكي يابنتي هو عارف مصلحتك عنك انتي لسه صغيره ومتفهميش حاجه وبعدين بيقولك سال عليه وعرف إنه تافهه ومش راجل ولا يعرف يشيل مسئوليه
ولا تتجوزي ونبص نلاقيكي كل يوم هنا غضبانة
رحاب
محدش يشغل باله بيه انا هتجوزه ولو مااتجوزتش هموت نفسي ولما ابقي اجي غضبانه ابقي اطردني من هنا
الاب
لاحول ولا قوة الا بالله خلاص انتي حره بقي انا خلاص فهمتك وطالما مش عايزه تفهمي وراكبه دماغك يبقي انتي حره بقي براحتك
بس اعرفي اني مش موافق وراضي عن الجوازه دي بس هعملك الانتي عايزه
رحاب
ماشي يابابا انت وماما انا متاكده إنه محمد مفيش منه وعمره ميزعلني ابدا وبكره اثبت لكم كل ده ولو ثبت غير كدا اتبروا مني
الاب
مهو ده ةىلي هيحصل فعلا احنا عارفين ان الواد
ده مش كويس وانا يستحيل يكون لينا صله بيكي
لو هو اتجوزك
وبعدها فعلا اتجوزت محمد ومن يومها معرفتش اي حاجه عن اهلي
بااااك
رحاب بعياط
شوفت بقي افتكرت اهلي قالوا ايه و انا عملت ايه وانت طلعت ايه للاسف انت مقدرتش ال انا عملته علشانك وطلعت زي ماهما قالوا بالظبط ياريت سمعت كلامهم وقتها كان زمان حالي احسن بكتير من دلوقتي لكن للاسف علي راي امي كلمت ياريت مابتعمرش بيت
محمد
انا نازل لان قله الكلام معاكي احسن
وقتها محمد فتح باب الشقه ونزل جري وراح القهوة واتصل بمحسن صاحبه يقابله هناك ومحسن جيه وقاله
محسن
ايه يااسطي بترن عليا وبتزعق وتعالي بسرعه وهات سجاير معاك في ايه ياابني انا فكرت فيه مصيبه
محمد
ماهو في مصيبه فعلا انا زهقت من العيشه دي ومش عارف مالي وحالي ده هينصلح امتي طول الوقت نايم من شغله ولا مشغله
وخناق في البيت 24ساعه
محسن
بص يااسطي انا فهمتك من الاخر كدا حوارك. ده كله بسبب انك معمولك عمل وسحر هو ال عامل كدا تعال نروح للشيخ محمود هيقولك
محمد
طيب قوم بينا نروح بسرعه والله مش عارف ايه اللي بيحصل ده الدنيا كلها جايه عليا معرفش ليه
محسن
طيب يلا وبعدين والله انا عارفه ان مشاكلك كلها هتتحل لما نروح ليه
وبعدين محسن راح مع محمد عند الدجال وقاله محمد
اازيك يا حاج انا عايز انك تشوف لي حل في عشتي انا واقف حالي ومش لاقي حل ايه السبب في حد عملي عمل بكدا
الدجال
لا انت مش معمولك عمل ولا حاجه هي مراتك ال المشكله فيها وهي ال معمولها عمل سفلي هو ده سبب المشاكل الي بينكم
محسن
والحل نعمل ايه في مراته ونعالجها ازاي يعني احنا منعرفش نقولها حاجه من دي اصلا
دي تبهدله لو عرفت اننا جينا هنا
الدجال
لازم تجي علشان اشوفها وده الحل الوحيد
محمد
بس هي مش هتوافق تيجي عند حضرتك وانا عارف
دي دماغها ناشفه
محسن
اي الكلام اللي انت بتقولوا ده يا ابني الشيخ
بيقولك مشكلتك هتتحل لما تعمل كده وانت بتقول اي مش فاهم انا
الدجال
انا قصرت الكلام وقولتك لازم تيجي
وبعدين انت الست تكسر لها ضلع يطلع لها 24 خليك راجل ماتتنزلش وادها علي دماغها علي طول
محمد
انت شايف كدا احنا طول الوقت بنتخانق بس طبعا انا مش بسكت لها وببهدلها انا هروح اشوف احاول اجبها هنا تشوفها بنفسك
وفي الشقه انا كنت بغسل المواعين وبعدها خرجت
وفضلت انادي علي البنات
رحاب
يا ياسمين يا كارما انتو فين يا بنات
وكانت الصدمه لما لقيت باب الشقه مفتوح
وورقه من البنات أنهم سابو البيت ومشيو
وبعدها خرج محمد من عند الدجال ورجع البيت وشاف رحاب في الشارع عماله تعيط جري عليها
محمد
في ايه يابت بتعيطي ليه قولي انطقي حاجه حصلت العيال فين يابت
رحاب
العيال مش لاقيهم عيالك طفشوا من عمايلك وعماله الف عليهم في كل حته وعند الجيران مش لاقيهم اعمل انت السبب هاتي لي ولادي ماليش دعوه انت السبب في كل الغم ده
محمد
كلمتي سها صحبتك يكونوا عندها او انا اروح اشوفهم هناك وازاي مشيوا من البيت وانتي كنتي فين
رحاب
انا كلمت سها وهي هتجي دلوقتي وقالت ماشفتش البنات و هتجي تدور معايا منك لله انا لاقيت ورقه هما كتبينها انهم هربوا من المشاكل
محمد
المشاكل دي طلعتي انتي السبب فيها اصلا
انتي معملك عمل الدجال قالي كدا ولازم تروحي تفكي العمل ده وفي الوقت ده جات سها
رحاب
يالهووووووي ياخرابيييي الحقوني ياناس انا خلاص جبت اخري دجال انت رايح لدجال يحل مشكلك وانا كمان السبب اقول ايه فيك بس حسبي الله ونعم الوكيل
وفي الواقت ده جت رحاب وقالت
سها
في اي مالك عامله كده ليه والبنات اي اللي حصلهم
رحاب
الحقني يا سهل والله انا حاسه ان هيحصلي حاجه
والبيه بدل ما يقول يصلي رايح ل دجال
سها
اهدي يارحاب صحتك ياحبيبتي انتي هتستحملي ايه ولا ايه كفايه الانتي فيه مش هيبقي من كله يعني وبعدين يا استاذ محمد ده مش وقت دجالين نشوف العيال الاول وبعدين نتكلم
المفروض دلوقتي انت تبلغ في القسم إن ولادك ضاعوا
محمد
اروح اقولهم ايه امهم عامله غم وعيالي مش عجبهم الوضع مشيوا تعالو انتم بقي هتوه عيالي صح ايه العبط ده انا مش هبلغ قسم ولا شرطه مش ناقصه هي وجع دماغ دلوقتي يجوا لوحدهم هيروحوا فين
رحاب
يانهار مش. معدي ازاي دول بنات ومش عارفين راحوا فين ولا عند مين والدنيا ليل اعمل ايه ياربي ارحمني برحمتك يلا ياسها تعالي انا هروح ابلغ ده زي قلته انا قايلاك قبل كدا اديكي شفتي بعينك اهو الوضع
سها
هو في يا استاذ في حد في الدنيا عيالوا مختفيه وبنات يعتبروا عرايس ويتكلم بالبرود ده بقى وبعدين ايه التخاريف دي دجال اي وزفت اي حرام شغل الشعوزه ده
وبعدها روحت البيت وكنت قاعده وبعدين قولت ل سها
رحاب
انا نزلت صور البنات علي الفيس الي يشوفهم يتصل بيا يارب بقي انا عقلي هيشت مني اعمل ايه اروح فين تاني
وفجاه التلفون رن وكان بابا ورديت ليه ولفيته وبيقولي
الاب
الووو رحاب ايه يابنتي عامله ايه تعالي البيت عندي حالا وهاتي جوزك معاكي انا مستنيكم
رحاب
اهلا يابابا عامل ايه وحشني انت وماما والله
خير في حاجة اجي ليه دلوقتي طيب بكره
إن شاء الله هكون عندكم انا عندي مشكله كبيره
ومش
وقبل ما اكمل كلامي لقيت بابا بيقولي
الاب
بكره ايه بقولك دلوقتي هو انتي مش عايزه بناتك ولا اي ولا انتي متعرفيش انهم بره البيت من الصبح اخلصي تعالي يلا
رحاب
ولادي عندكم طيب الحمد لله حاضر جايه حالا اهو يابابا بدور عليهم من الصبح الحمدلله انهم عندك
وبعدها قفلت السكه وقولت
الحمد لله العيال عند بابا بس معقول عرفوا
يرحوا هناك لوحدهم
محمد
ولاد الكلب دول راحوا هناك ازاي يعني واحنا مش بنروح عندهم وازاي عرفوا البيت وهما عمرهم ما راحوا عندهم
رحاب
انا كنت معرفهم البيت وقايللهم لو جرالي حاجه تروحوا عند جدكم هو هيربيكم ويحافظ عليكم عن ابوكم وقولتلهم ابوكم لو مت هيتجوز ويجيب واحده تطلع عينكم اوعوا تفضلوا معه انا ال قولت وكان لازم اعمل حساب كل حاجه
محمد
يعني انتي بتقسي البنات عليا وتعرفي تعملي كل ده علشان يكرهوني يعني انتي واحده مش محترمه وفعلا مش مظبوطه
وانتي سبب الغم الي في البيت ده اصلا
رحاب
انا مش هرد عليك انا مش كمان هتفرج عليا الجيران في العماره انا هدخل البس هدومي علشان اروح لابويا
روحي انتي ياسها ياحبيبتي كتر خيرك لحد كدا انا بقي هروح اجيب العيال
سها
طيب اطمن علي العيال انا كمان انتي مش عارفه انا
قلقانه عليهم ازاي
رحاب
انا عارفه ان بابا ممكن يقول كلام كتير يوجع
معلش روحي انتي
وبعدها دخلت الاوضه محمد ورايا جري ولقيته دخل المطبخ يعمل لنفسه شاي وانا واقفه في الصاله بدور علي البوك بتاعي
محمد
انا هعرفك ازاي تفضحيني قدام صحبتك وقدام اهلك وتقولي الكلام ده عليا انا مش هسيبك وهربيكي بس لما تجي معايا عند الشيخ
رحاب
انت بتتكلم كمان ده انت معذبني وموريني المرار الوان وبعدين هو انا لسه عملت حاجه واهلي ميعرفوش اصلا عنك حاجة فين البوك بتاعي اخلص ولا خدته كمان وخدت الفلوس تجيب سجاير
محمد
خته ايه يابنت الكلاب انتي بني ادمه زباله ولازم تتربي انا قرفت منك خالص
وفجأة قام محمد حدف الشوكه الكبيره في عيني صفت عيني وقعت علي الارض والدم
رحاب
ااااه يابااااا عيني عيني راحت منك لله هموت عيني اتصفت عيني بوظت عيني
منك لله وديني المستشفى هموت
محمد
الله يخربيتك يابعيده هو الدجال الي قالي اعمل كدا قالي اكسر لك ضلع علشان تنظبطي وانا كنت بحدفها مش قصدي عينك خالص
رحاب
انت صفيت عيني بالشوكه علشان خاطر الدجال قالك كدا منك لله يابعيد حسبي الله ونعم الوكيل فيكم انتم الاتنين
وبعدها روحت المستشفى وهناك الدكتور قالي
الدكتور
عينك دي ايه السبب انا هبلغ الامن دي خناقه ولازم الاولي تدخلي عمليه لان خلاص كدا العين دي راحت بس عايز اعرف مين السبب وليه جايه لوحدك
رحاب وهي بتعيط ومنهاره
جوزي فتح عيني بالشوكه بسبب دجال هو قاله اعمل كدا في مراتك جوزي منه لله وخاف يجي معايا المستشفى علشان مايتسجنش
ابوس ايدك يا دكتور خد رقم اهلي رن عليهم يحوا انا همووت ومش شايفه حاجه
الدكتور
يعني الحيوان ده الي عمل كدا انا هربيه وهيتسجن ويروح في ستين داهيه كمان اي رايك بقي انا هرن علي اهلك هاتي الرقم
وبعدها الدكتور كلم ابويا جيه جري هو وامي وولادي المستشفى
الام
بنتي عمل ايه فيكي ياضنااااي يالهوووي عينك مالها ايه الجرا لك وايه الدم ده يالهووووي يارب سترك يارب
الاب
في ايه يادكتور فهمني هي غينها فيها حاجه ولا ده بعيد والدم ده منين بالظبط
الدكتور
ياجماعه اهدوا كل ده غلط عليها هي لازم تهدي علشان تدخل العمليات مينفعش علشان احنا بنظبط الضغط لان ضغطها عالي جدا وجوزها هو السبب وانا بلغت عنه بتقول حدفه بالشوكه جات في عينها
الاب
منه الله حسبي الله ونعم الوكيل انا هوديه في ستين داهيه مش هسيبه ابن الكلب يامااا قولتلك بلاش واتحايلت عليكي انا وامك وانتي ركبتي دماغك ودي النتيجه
الام
ابوس ايدك يا دكتور الحق عين بنتي اعمل اي حاجه انقذها بلاش تتشال والانت عايزه ابوس ايدك ده لسه صغيره
الدكتور
ياحاجه انا عمل ال اقدر عليه والباقي على ربنا بس اهدوا واهم حاجه سكتوا البنتين دول بلاش يعيطوا جنبها لاني مديها حقنه مهدئ
الام
ياحبيبتي يابنتي ياضنااا يا كان مستخبي لك فين كل ده ربنا ينتقم منه البعيد الي مش هنا
معلش يا ولاد متخفوش امكم هتبقي كويسه بطلوا عياط
ياسمين
معلش يا ماما حقك عليا انا لما اكبر هبقي دكتوره وارجع لك عينيك تاني ومش هخلي بابا يقرب منك اصلا انا كرهته خلاص معتش بابا
كارما
احنا مش عايزينه ولاعايزين نعيش معه تاني انتي تجي معانا عند جدو هما بيحبونا وبيخافوا علينا وانا كمان هشتغل بدالك وهجيب انا الفلوس اللي انتي عايزه ياماما وانتي استريحي في البيت
الاب
كلام الأهل دائما بيكون صح يا بنتي اكيد كل اي وكل ام عايزين يشوفوا بناتهم متجوزين ومبسوطين في حياتهم انما انتي اختاري اللي يدمرر مستقبلك
رحاب
عندك حق يا بابا انا كنت غلطانه في اختياري من الاول حتى لما كنت غلط كنت خايفه اجيلك علشان خاطر ما تشمتش فيا
الاب
عبيطه هو في اب ممكن يشمت في بنته برده
المهم اللي زي ده لازم يتحبس
وبعدها فعلا اتقبض عليه هو والدجال وانا رجعت البيت بابا تاني قررت ان اي اختيار هيكون ليا بعد كده لازم اسمع كلام بابا وماما فيه بقيت حاطه حاجه على عيني علشان خاطر اقدر اداريها وانزل بيها وبقت صعبانه عليا نفسي قوي بس كل حاجه ليها تمن وانا دفعت كمان غلطتي
وبكده تكون خلصت قصتنا