قصه جديده

قدام ترابيزة عليها ورق كتير، وكان ماسك في إيده مسدس.
هند دخلت المكان. ياسين ابتسم ببرود كأنه لقى حاجته الضايعة أهي جات لغاية عندنا. آية بدأت تعيط هند.. أنا آسفة، مكنتش أعرف والله. كريم زعق ل ياسين إنت قلت لي إنها هتمضي ومحدش هيتأذي! ياسين بصه له بقرف عشان كدة أبوك عمره ما وثق فيك في شغلنا الحقيقي.
ياسين خبط على الورق امضي يا هند.. وبعدها إنتي وأختك تمشوا من هنا بسلام. هند ردت بكل ثبات لا.
ياسين استغرب.. هند كانت دايماً بتقول لا وهي بتترعش وبتموت من الخوف، بس المرة دي كانت واقفة صلبة فاكرة إن سليم هيحميكي للأبد؟ هند لا.. أنا عارفة إن حق ماما هو اللي هيحمينا.
طلعت من جيبها مفتاح قديم.. آية برقت ده مفتاح السلسلة اللولي بتاعة ماما؟ هند لقت المفتاح ده في بطانة شنطتها، مكان ما كانت ماما دايماً بتخبي الحاجات المهمة. ياسين وشه اتغير جبتي المفتاح ده منين؟ هند ماما سابتهولي.. سابت لنا كل حاجة؛ الأرض، الحسابات، والأدلة اللي تفضحكم وتفضح أي حد ساعدكم.
صوت السماعة في ودنها طقطق.. سليم كان بيسمع كل كلمة، والمسؤولين كمان. هند كملت عشان تخليه يعترف عشان كدة اتجوزتني؟ ياسين ضحك بسخرية ماتديش لنفسك حجم أكبر من حجمك.. اتجوزتك عشان مامتك ماتت وإنتي كنتي وحيدة ومحتاجة حد يقولك تعملي إيه. كان موضوع سهل أوي.
آية صرخت من الصدمة، وكريم حاول يهدي ياسين، بس ياسين كان خلاص الغل عماه أمك بوظت لنا شغل بلميارات عشان شافت بنت صغيرة بتبكي في مركب شحن.. بنت واحدة! عارفة الرجالة خسروا قد إيه بسبب ضمير أمك ده؟
قرب منها والمسدس في إيده أمك شالت الدفاتر في مكان ما هنا.. وأنا قلت بدل ما أدور، أسيطر على الورثة. كنتي إنتي سهلة، وآية عاطفية، وكريم كان مجرد وسيلة.
فجأة الجو اتغير.. ياسين بص ورا هند واتجمد. كان سليم واقف عند المدخل. من غير س*لاح، من غير غضب باين.. بس هيبته كانت كفيلة تهد المكان. سليم قال ببرود مكنش ينفع تقول إنها كانت بنت واحدة.. دي كانت أختي.
ياسين رفع المسدس، وفي ثانية واحدة كل حاجة حصلت؛ هند نزلت الأرض، القوات دخلت من الأبواب والشبابيك، وسليم كان أسرع مما أي حد يتخيل، زق إيد ياسين لفوق والرصاصة جات في السقف.
السيطرة تمت في ثواني. هند جرت على آية وفكتها، والاتنين حضنوا بعض وهما بيعيطوا. القوات قبضت على ياسين وكريم.
ياسين بص ل هند بكل غل وهو بيتسحب فاكرة إنها خلصت؟ هند وقفت وحطت إيدها على وجعها وقالت له بقوة لا.. هي لسه بتبدأ بيك.
دخلت المحامية ومعاها الفنيين، وبالمفتاح اللولي فتحوا صندوق حديد قديم كان مستخبي تحت أرضية المكتب. جوه الصندوق كانت الكنز؛ دفاتر فيها أسماء، رشاوى، طرق تهريب، وعلاقات مشبوهة.. وكلها بخط يد مارجريت أم هند. ومعاهم رسالة لبناتي.. لما تكون الحقيقة أغلى وأبقى من السكوت.
عند الشروق، كانت هند وآية قاعدين على العربية، والرسالة في إيديهم. ماما كانت بتعتذر لهم إنها سابت لهم الحمل ده، بس كانت بتعلمهم إن النجاة مش في السكوت.. النجاة في الحقيقة اللي بتستنى الوقت عشان تتنفس.
بعد أسبوع، الدنيا اتقلبت. ياسين الحديدي وعيلة كريم بقوا في كل الجرايد بتهم خطف، ونصب، وغسيل أموال. المحامية نشرت صور إصابات هند والتسجيلات عشان العالم كله يعرف الحقيقة.
سليم اختفى ٣ أيام، وهند حست بفرق.. كانت بتفكر فيه كتير. في الليلة الرابعة، لقته واقف في بلكونة البيت اللي هي مستخبية فيه، بيبص على البحر. كان قالع جاكت البدلة، وبان إنسان طبيعي لأول مرة.
هند اختفيت فين؟ سليم كنت سايب لك مساحة تتنفسي. هند أنا مطلبتش مساحة.. متبقاش تقرر مكاني أنا محتاجة إيه، ياسين هو اللي كان بيعمل كدة.
سليم بص لها بأسف وقال ببساطة عندك حق.. أنا آسف. وقفوا جنب بعض ساكتين شوية، وبعدين هند سألت مش عارفة إيه اللي هيحصل لي بعد كدة. سليم هتخفي.. وتعيشي. هند البطء ده بيخنقني. ابتسم نص ابتسامة الكل كدة. بصت له وسألت وإنت يا سليم؟ إنت مين بالظبط؟