قصه جديده

والسبب؟
رسالة مجهولة وصلته قبلها بساعة واحدة بس، وخلته يشك إن أمه نفسها في خطر.
سهير فضلت واقفة قدام حسن وهي مش قادرة تستوعب اللي شايفاه.
بصت للبنت، وبعدين لجوزها، وقالت بصوت متقطع
إنتوا الاتنين… في بيت ابني؟! إنت فقدت عقلك يا حسن؟!
حسن نزل عينه في الأرض.
لكن قبل ما ينطق، البنت قامت بسرعة

من على السرير وقالت
والله يا طنط أنا ما كنتش أعرف إن حضرتك مراته! هو قال لي إنه مطلق من زمان!
سهير ضحكت ضحكة قصيرة مليانة وجع.
مطلق؟! ده أنا مراته بقالنا اتنين وتلاتين سنة!
البنت حطت إيدها على بوقها.
يا نهار أبيض…
سهير قربت من حسن.
أنا عايزة أفهم حاجة واحدة بس… مين اللي اداك مفتاح شقة ابني؟
حسن سكت.
سهير صرخت
رد عليا!
وفجأة سمعوا صوت مفتاح بيتحط في باب الشقة.
الثلاثة اتجمدوا.
وبعد ثواني، الباب اتفتح.
دخل كريم.
كان لسه لابس هدوم الشغل، ووشه عليه علامات توتر.
أول ما شاف أمه واقفة قدام أوضة النوم، قرب منها.
ماما؟ إنتِ بتعملي هنا إيه؟
وبعدين شاف أبوه.
وبعدين شاف البنت.
وبعدين شاف زجاجة الشامبانيا.
وشه اتغير.
بابا؟
حسن حاول يتكلم
كريم، اسمعني…
لكن كريم رفع إيده.
ماتقولش حاجة.
بص لأمه
إنتِ كنتِ جاية هنا عشان تمسكي مي مع واحد؟
سهير هزت راسها ببطء.
أيوه.
ومين البنت دي؟
قبل ما حسن يرد، البنت قالت وهي بتعيط
أنا اسمي نادين… وأبوك هو اللي قال لي أجيله هنا.
كريم بص لأبوه.
أبوك؟
نادين بصت له باستغراب.
هو قال لي إنك عارف.
ساعتها كريم اتوتر.
عارف إيه؟
نادين سكتت.
وحسن قال بسرعة
كريم، الموضوع أكبر مما تتخيل.
لا، هو مش أكبر من إني أعرف الحقيقة!
سهير مسكت دراع ابنها.
استنى يا كريم.
لكن كريم كان خلاص فقد أعصابه.
إنتِ كمان كنتِ شاكّة في مراتي؟! وإنت يا بابا بتقابل بنت في بيتي؟ ! إيه اللي بيحصل هنا؟!
نادين بدأت تنهار.
أنا لازم أمشي.
وقبل ما تتحرك، سهير لاحظت ظرف بني كبير مرمي جنب الكرسي.
مسكته.
فتحت الظرف.
وكانت الصدمة.
جواه صور لكريم.
صور له وهو خارج من الشغل.
وهو داخل بيته.
وهو بيتكلم مع مي.
وصور لمي وهي خارجة مع الراجل اللي سهير شافته قبل كده.
وفي وسط الصور، كان فيه ملف كامل عن الشركة اللي كريم شغال فيها.
سهير رفعت عينيها لحسن.
إيه ده؟
حسن اتوتر.
كريم خطف الملف من إيدها.
بدأ يقلب الصفحات.
وفجأة وشه شحب.
دي ملفات الشركة…
حسن قال
أنا كنت بحاول أحميك.
كريم ضحك بسخرية.
تحميني من إيه؟
حسن سكت.
سهير بدأت تفهم إن الموضوع مش خيانة عادية.
قول يا حسن.
أخيرًا حسن قال
الشركة اللي كريم شغال فيها داخلة في مشروع كبير. وفي حد بيسرب معلومات من جوه الشركة.
كريم عقد حواجبه.
وإيه علاقتي أنا؟
المدير شاكك إنك أنت اللي بتسرب المعلومات.
كريم اتصدم.
إيه؟!
حسن كمل
من شهرين، حد بعت مستندات سرية من إيميلك الشخصي.
كريم هز راسه بعنف.
مستحيل!
أنا عارف إنك ما عملتش كده.
طب عملت إيه؟!
حسن أخد نفس طويل.
حاولت أجيب الشخص اللي بيعمل كده.
سهير قالت
وعشان كده جبت البنت دي؟
نادين رفعت رأسها.
أنا بشتغل مع شركة الأمن اللي اتكلفت بالتحقيق.
كريم بص لها.
يعني إنتِ مش عشيقته؟
نادين بصت لحسن باستياء.
هو حاول يخليني أبان كده.
سهير قربت منها.
ليه؟
نادين طلعت موبايلها.
لأننا كنا محتاجين نخلي الشخص اللي بيراقب كريم يصدق إن حسن بيتحرك من غير ما حد يعرف.
وبعدين شغلت تسجيل صوتي.
صوت راجل كان واضح جدًا
خليه يفضل واثق في أبوه. أهم حاجة كريم ما يعرفش إننا قربنا نكشفه.
كريم سأل
مين ده؟
نادين قالت
ده واحد من الموظفين الكبار في الشركة.
لكن قبل ما تكمل، وصل إشعار على موبايل كريم.
فتح الرسالة.
كانت من مي.
كريم، لازم نتكلم فورًا. أنا عرفت مين اللي بيلبسك القضية.
كريم اتصل بيها فورًا.
مي، إنتِ فين؟
صوتها كان متوتر.
أنا عند صاحب العربية اللي شفتني معاه أمي… قصدي حماتك.
سهير شهقت.
مين الراجل ده؟
مي قالت
اسمه مروان. وهو محامي الشركة.
كريم سكت.
مي كملت
هو اللي طلب مني أقابله. كنت بحاول أجيب دليل إن حد بيلفق لك التهمة.
حسن بص لسُهير.
سهير بدأت تحس إن كل الشكوك اللي كانت عايشة فيها شهور كانت مبنية على أكاذيب.
لكن المفاجأة الأكبر كانت لسه جاية.
مي قالت
وفي حاجة تانية يا كريم.
إيه؟
الراجل اللي بيحرك كل ده… قريب منك جدًا.
كريم بص حواليه.
وبص لأبوه.
ثم لأمه.
مي قالت
الشخص ده عنده نسخة من مفاتيح بيتك.
كريم بص لسُهير.
ماما؟
سهير اتصدمت.
أنا… أنا بس اللي كان معايا نسخة.
حسن قال بهدوء
مش إنتِ الوحيدة.
وساعتها طلع مفتاح من جيبه.
كريم قرب منه.
إنت جبت المفتاح ده منين؟
حسن قال
من الشخص اللي كان بيدخل البيت قبلي.
سهير سألت
مين؟
حسن بص ناحية باب الشقة.
أخويا.
سهير اتجمدت.
أخوك محمود؟!
حسن هز راسه.
أيوه.