قصه جديده
ساره بصتلو بدموع وقالت…. ما هو اللي وجعني انك وحشتني قوي و اني مش قادره اشيلك من قلبي اللي عايز ضر*بو بالجزمه ده وحيد ابتسم ابتسامه جميله وقال….والله قلبك ده بيفهم مش زي صاحبتو ساره بصتلو بدهشه وهو ضحك وقال..قصدي يعني انو قلبك ده حظي من الدنيا…ربنا يديمها عليا نعمه ساره قالت بدموع….انا مش هينفع ارجع معاك بعد اللي حصل
وحيد اتنهد وقال..لو علشان كلام والدتي..فهيه كمان عرفت اللي حصل …قلت لها ومشيت علشان اجيلك
بس قبل ما ادخل عندك جاتني رساله منها انها سابت البيت قالتلي انها مش هترجع خالص مش هتقدر تواجهك بعد اللي عملته وطلبت مني اقول لك انها بتحبك قوي ولو قدرتي في يوم تسامحيها هت..هتمـ,ـوت مرتاحه… دي رساله وكان لازم اوصلهالك ساره بصتلو بزهول وقالت ….وانت ازاي تسمح لها تمشي وحيد قال بحزن…. بقولك بعتت لي الرساله حالا ومش بترد على تليفوناتي
ساره مسكه ايده وقالت….. طب يلا بينا بسرعه زمانها راحت على بيتها القديم هنروح نلحقها على هناك ونرجعها البيت وحيد قال بابتسامه…. يعني انتي سامحتينا وهترجعي معايا ساره اتنهدت وقالت….يا وحيد مامتك عمتي وربتني مع ماما ايد بايد ..اكيد مش هتمشي من بيتها بسببي ولا يمكن ازعل منها للدرجادي..و انت كمان وقفت معايا يوم اللي حصل وقلت ان انا ما اعملش كده مع انك كنت زعلان على ابنك …كفايه رغي خلينا نرجع مامتنا مش هرجع البيت من غيرها
وحيد ابتسم وقال …انا ربنا بيحبني قوي ساره قالت…. مش ربنا بس اللي بيحبك وحيد قربها ليها قوي وقال …انا بعـ,,ــــشقك قوي يا ساره تعبت قوي في الاسبوع ده الحياه يا اما معاكي يا بلاش انتي عـ,,ــــشقي وكل دنيتي الدنيا اللي حلمتها معاكي انت وبس ساره ابتسمت بحب وقالت…. انا كمان كنت بمـ,ـوت بعيد عنك يا وحيد الوقت ده علمني انك اغلى حاجه بملكها ولازم احافظ عليك وهطلع عين اي واحده تيجي تشاركني فيك تاني
وحيد ضحك جامد وقال… لا تاني ولا ثالث مبقاش يرضيني غيرك يا قمري .. هقفل القلب بمليون باب و ممنوع دخول غيرك احباب كنتم مع صدمة زفافي بقلم زهرة الربيع زهرتكم تحيكم دمتم في امان الله مع من تحبون