قصه جديده
ضيق باسم عينيه عليها بنظرة حادة ، فيما استرسل بنبرة تنضح بالبرود والفظاظة : وبعدين مالو اللي حصل!! ماظنش انه كان وحش اوي كدا؟ عشان تضايقي لدرجة انك مايبقاش عندك نفس لحاجة في الدنيا!؟
تلميحاته الوقحة أضرمت لهيب الغضب في أعماقها ، فتقدمت نحوه بخطواتٍ مضطربة تفيض تهورًا ، ودفعت صدره بيدٍ مرتجفة ، لكن وقفته الراسخة لم تهتز ، لتنفجر في وجهه بصرخةٍ مشحونة بالانفعال : انت معمول من ايه؟ ازاي مش حاسس باللي عملته!!!
تصلب فكه بغضبٍ يتدفق في عروقه ، فقبض على معصمها بأصابع صلبة كالصخر ، ولوي ذراعها خلف ظهرها ، فارتجف جسدها عند التصاقه بها ،
فيما يقتحم مساحتها بأنفاسٍ مشحونة ، وهمس بصوتٍ حادٍ كنصلٍ يلامس شفا الجنون : صوتك مايعلاش!! انا خلاص اعصابي تعبت من تصرفاتك .. هو انتي بتلعبي بيا؟! شوية قريبة مني وبتحبيني وبعدها تبعدي عني وتبقي مرعوبة ومضايقة لما بقربلك!؟ مابقتش فاهمك!! لما انتي مش عاوزاني اتجوزتيني ليه؟
أغمضت ابريل عينيها بشدة ، وتجمدت الكلمات في حلقها ، عاجزة عن الخروج لتوضح ما في قلبها من خوف ، ثم تمتمت بصوت مرتعش : مكنش دا الاتفاق من البداية! كنا متفقين إننا مش هنقرب لبعض غير لما أكون مستعدة
_ابريل!! بصيلي..
تسلل هدوءٌ مشوبٌ بالصبر إلى صوته ، بينما يرفع ذقنها بلطف ، حتى اصطدمت عيناها بنظراته ، توقف لحظة ، وتنهد بعمق ، ثم أكمل بصوت أجش يغلفه الدفء والشغف ، ويحمل في طياته كل مشاعر الإحتياج : الموضوع مش مستاهل التوتر ده .. انتي مراتي وانا بحبك .. كنتي متخيلة إني كنت هفضل مستحمل بعدي عنك لحد امتي؟ أنا بني ادم مش آلة! وراجل طبيعي عندي رغبات ومشاعر ، واللي حصل بينا طبيعي جداً!
انفجرت مشاعرها كبركانٍ خامد استفزه زلزال بروده ، لتهتف مرددة بتحشرج ممزوج بالاستنكار : طبيعي؟! طبيعي إنك تاخد خطوة كبيرة زي دي من غير ما تفكر فيا؟ انت ازاي اناني بالشكل دا!! انت فاكرني ايه علي مزاجك ولا رهن اشارتك؟!!
زوَّى باسم بين حاجبيه ، وانبثق الغضب من عينيه بنيران جحيمية ، فأمسك بمعصمها بحزم ، متحدياً اتهاماتها له كأنه المذنب الوحيد بجمود سافر : خلاص اللي حصل حصل مش هنعرف نغيرو
زمت ابريل شفتيها بضيق ، أغوى قلبه المتلهف لها ، وعقلها ينبهها أن لا جدوى من الجدال ، فهو لم يرتكب جري\مة ، بل هي من استسلمت لمشاعرها.