قصه جديده
ليجيبها بنفس الود ازيك يا رنا عاملة ايه يا بنتى !! ابتسمت له رنا ونظرت ل شريف بتعجب لكنها تجاوزته سريعا وقالت الحمد لله..ازيك يا شريف ليجيب شريف بوجوم ازيك يا رنا شعر شريف بخيبة أمل حين لم تفتح جيداء الباب ظن أنه سيراها اولا أو تمنى ذلك لكم يشتاق ملامحها الفاتنة وابتسامتها الخجلة !!! تقدم أحمد مرحبا برفيق عمره اهلا يا ابو على تعالى انا مجهز الطاولة ومستنيك ليصب حسن اهتمامه بصديقه اولا اه عاوز تاخد تارك من الأسبوع اللى فات !!
مد أحمد كفه مرحبا بشريف الله هو شريف معاك لازم تفضحنى قدام العيال يعنى !! ازيك يا شريف ابتسم شريف وهو يصافح احمد ازيك يا عمى ماتخافش انا عارف إن بابا بيقرص على الزهر ضحك احمد وقال هههههه شوفت بقى حتى ابنك معايا جلس ثلاثتهم ليلعب احمد وحسن الطاولة وما لبثت أن اقبلت سماح تسأل عن سوسن وتبدى الاسف لعدم حضورها فوعدها حسن بإحضارها الاسبوع المقبل. خرجت الفتيات بعد قليل سلمن على حسن وشريف الذى دق قلبه لرؤيا جيداء اخيرا وتعلقت عينيه بها حتى خشت أن تفضحه نظراته التى تشكو إليها اشواقا وسهدا .
تطوعت رؤى بتحضير العصائر ثم جلسوا جميعا لمشاهدة المنافسة بين احمد وحسن . نظر أحمد لصديقه محذرا حسن بطل تقرص الزهر ابتسم حسن ابتسامة ظافرة انت بتتلكك علشان مغلوب ضحك الجميع على ملامح احمد المتذمرة بينما قالت رنا هو احنا هنقعد نتفرج ما تيجو نلعب احنا كمان تساءلت رؤى بضجر هنلعب ايه يعنى عشرة طاولة لتقول رنا بحماس لا نلعب كوتشينة نظرت ل شريف متسائلة تلعب يا شريف فأسرع يقتنص تلك الفرصة اه العب معاكم
بدأت جيداء تتفاعل معهم نلعب كومى لتسرع رؤى قائلة لا نلعب شايب ضحك شريف هههههه انا موافق بس استحملوا احكامى لتنظر له رنا بغيظ مش لما تكسب الاول تبقى تحكم لتنهى جيداء تلك المناقشة الطفولية بقولها يلا هاتى الكوتشينة يا رنا تعالى يا شريف نقعد على الأرض كان سعيدا للغاية وهو يجلس بجانبها هى محقة فها هما يقضيان وقتهما سويا وأمام أعين الجميع كان جل ما يقلقه فشله التام في السيطرة على عينيه التى تلازم ملامحها الغالية .
بدأت اللعبة وهم يضحكون بسعادة كبيرة وانتهت بخسارة شريف فهو جم تركيزه كان على جيداء تاركا شقيقتيها تتلاعبان بالاوراق بحرية مكتفيا بنشوة قلبه بقربها لا يحتاج نشوة الفوز فقربها أكثر متعة ..بل قربها هو الفوز بعينه ..الفوز على الحياة أجمع