قصه جديده

لم تكن أمامه فرصة للقائها طيلة الأسبوع وكان عليه أن ينتظر يوم الخميس وقد أصر على والديه لإنهاء هذا الأمر يجب أن يكون له وجود بحياتها حتى لا تعاد مثل هذه المواقف مرة أخرى . على الجميع أن يعلم أنها له وحده ..حينها أن يجرؤ أحدهم على الاقتراب ونزعها منه بهذه الطريقة مجددا . زاد من تأنقه يومها وهو يتوجه مع والده ووالدته بسعادة فقد جاء اليوم الذي طال انتظاره له وكم يتمنى أن ينتهى كما يريد .

فتحت لهم رؤى الباب ليهتف احمد اهلا يا ابو على اخيرا هأهزمك تانى تقدم حسن للداخل مصافحا صديقه هههههه ماشى يا يا ابو حميد بس تعالى عاوزك فى موضوع الاول ظهر الاهتمام على وجه احمد فورا طب تعالى اقعد يا حسن خير يا اخويا جلس حسن بإبتسامة سعيدة خير إن شاء الله الظاهر أن صداقتنا هتكبر وتتحول لنسب نظر له احمد بعدم فهم فقال احنا جايين النهاردة نطلب جيداء لابنى شريف امتقع وجه احمد فورا وهربت منه البشاشة والترحال بتقول ايه جيداء بنتى

دب القلق بقلب سوسن وشريف بينما قال حسن بجدية أيوة يا احمد مالك وشك اصفر كدة ليه ليتحدث احمد بما نحر قلب شريف بلا رحمة ماتزعلش منى يا حسن احنا طول عمرنا اكتر من الاخوات بس انا لايمكن اوافق على الجوازة دى الثالث شحب وجه شريف وهو ينظر ل أحمد الذى تغيرت ملامحه متسائلا ليه يا عمى للدرجة دى شايفنى وحش

زفر أحمد بص يابنى بصراحة كدة هتاخد بنتى تصرف عليها منين !! من المصروف اللى بتاخده من أبوك انا بنتى كام سنة وهتبقى دكتورة انت هتبقى ايه حتى شهادة معرفتش تاخد وابوك اشتراها لك من جامعة خاصة يابنى اللى يجى من غير تعب بيبقى رخيص وانا بنتى غالية اسرع حسن محاولا إنقاذ الموقف لو على الشغل شريف هيشتغل معايا نظر أحمد لصديقه ليضع أمامه الحقيقة بلا خجل علشان بدل ما بتدى له مصروف تدى له مرتب لكن هى هى من غير تعب

رأى حسن الرفض القاطع بملامح صديقه الذى صډمه بهذا الرفض فخسر قدرته على المواجهة ليتساءل بحزن يعنى ده اخر كلام عندك يا احمد زادت ملامح أحمد جمودا وقال بحزم أيوة يا حسن انا مش عاوز لبنتى فلوس انا عاوز راجل يصونها وعلشان يصونها لازم يتعب علشان يوصل لها ورغم ما يرى من رفض يرى أسبابه واهية إلا أن شريف لم يفقد الأمل يا عمى والله انا هشيلها فى عنيا وانا هشتغل مش هفضل كدة لم يجد أحمد بديلا لمنحه ذا الأمل الذى قد يكتب له الحياة فقال لما تبقى تشتغل نبقى نشوف